Ota-onalar bilan bosib o'tgan yo'limiz

Shohro'z 13 yoshda, Chirchiq shahridan. Klinikaga pastki old tishlari ustkilardan oldinda turgan holda keldi.

Ko'rikda doktor sababni aniqladi: yuqori jag' tor, shuning uchun pastki tishlar oldinga chiqib qolgan. Bu tishning emas, jag'ning muammosi edi.

15-iyun kuni Xayreks apparati qo'yildi. U yuqori jag'ni asta-sekin kengaytirdi. 21-avgustga kelib, ya'ni 2 oyda, ustki tishlar oldinga chiqdi va prikus to'g'ri tomonga o'tdi.

Tishlar orasida paydo bo'lgan tirqish jag' haqiqatan kengayganining belgisi. U davolashning keyingi bosqichida yopiladi.

E'zoza 9 yoshda. 24-iyun kuni davolashni boshladik.

Ko'rikda ikkita muammo aniqlandi: yuqori jag' tor edi va orqada qolgan edi. Shuning uchun bitta emas, ikkita apparat tanlandi.

Xayreks yuqori jag'ni eniga kengaytirdi, yuz niqobi esa uni oldinga tortdi. Ikkalasi birga ishlab, 2 oyda yuqori jag' kengaydi va oldinga o'sdi. Ustki tishlar o'z o'rniga chiqdi.

9 yosh bunday davolash uchun eng qulay davr: jag' faol o'sayotgani uchun natija tez keldi.

Shahrizoda 13 yoshda, Yangiyo'ldan. Tishlaganda pastki tishlari ustkilarni yopib turardi, profildan qaraganda iyagi oldinga chiqqandek ko'rinardi.

12-may kuni Xayreks apparati qo'yildi. Oila Yangiyo'ldan qatnadi: apparat qo'yilgach, har kuni kelish shart emas edi.

23-avgustga kelib, 3 oyda, ustki tishlar pastkilarni normadagidek yopib turadigan bo'ldi.

Oila iltimosiga ko'ra Shahrizodaning yuzi fotolarda yopilgan.

Azizbek 15 yoshda, Toshkentdan. Ko'rikda bitta emas, uchta muammo chiqdi: mezial prikus, tor yuqori jag' va joy topolmay yuqorida qolgan qoziq tishlar.

Reja oddiy edi: avval jag', keyin tishlar. 3-iyun kuni Xayreks qo'yildi va jag' kengaytirildi.

23-avgustga kelib, 2,5 oyda, prikus to'g'ri tomonga o'tdi va qoziq tishlar uchun joy ochildi. Keyingi bosqichda ular qatorga tushiriladi.

15 yosh ham kech emas edi. Lekin o'sish tugashiga oz qolgan edi, shuning uchun kechiktirmaslik muhim bo'ldi.